OSTEBYGDA

Midt mellom Oslo og Bergen ligg ei vakker fjellbygd der folk har drive gardsdrift og ysta ost i hundrevis av år. Her beitar dei flottaste kyrne på det friskaste fjellgraset, og glade geiter sprett rundt i fjellheimen om sumaren og vel seg ut dei mest velsmakande urtene til mjølkeproduksjonen. Slikt blir det ost i verdsklasse av! Osteoppskriftene er nedarva slektsklenodium, overlevert og perfeksjonert frå generasjon til generasjon. No har dei ypparste osteprodusentane frå tre generasjonar slått seg saman for å bringe osten ut i verda og verda inn i ostens rike.

Velkomne til Ostebygda!